ис
isис И
от 1. 1 Нарсанинг сезги аъзоси (бурун)га таъсир этиш хусусияти ва шу таъсир натижасида юзага келувчи сезги; ҳид.
Иси бор. Иси ёʻқ.
Қимирлатишдан райҳонларнинг ўткир иси ўқтин-ўқтин димоғга келиб уринар эди. — А. Қодирий, Меҳробдан чаён
Боғма-боғ ошиб эсаётган шамол димоғга аллақандай хушбўй исларни олиб келади. — С. Аҳмад, Ҳукм
Тонгда тандир қиздирилди. Нон иси тарқади. — Т. Малик, Ажаб дунё
2. кўчма Дарак берувчи белги, ишора.
Низомулмулк муҳим бир нарсанинг исини пайқагандай, атрофга аланглаб, индамасдан унинг орқасидан юрди. — Ойбек, Навоий
Чоғимда, туҳматнинг иси келадиёв бу ишдан. — С. Аҳмад, Ҳукм
Оёқ остидаги нам тупроқдан инсон учун жуда яқин қон-қариндошлик иси димоғга уриларди. — С. Анорбоев, Оқсой
— Жуда соз, бироқ, сиёсий, тарбиявий ишнинг иси ҳам ёʻқ, — деди Сайрамов. — Ойбек, Олтин водийдан шабадалар
- Ис билади Жуда сезгир. Ўн чақиримдан ис билади бу муттаҳам. Ис олмоқ Хуфиёна сезмоқ.Шўрванинг исини олиб, старший билан элликбоши, қоровул кириб келди. Ҳамза, — Паранжи сирлари
- Исини чиқармаслик Ошкор қилмаслик, ҳеч кимга билдирмаслик. Бизга нимани бу юрган эдинглар? Қизни олиб қочиш ҳам бир қанча вақт исини чиқармай сақлаш, шундайми? — Шундай. — Ойбек, Танланган асарларИккита хотинингиз борлигининг исини ҳам чиқармай, бугун учинчи хотинга уйланяпсиз — А. Муҳиддин, Чап чўнтак
ис ИИ
от 1. 1 У қадар қуюқ бўлмаган, кўринар-кўринмас тарздаги тутун; дуд.
Самовар карнайидан кўтарилаётган ис.
2. Ёнишдан ҳосил бўлган зарарли (заҳарли) газ, кўмир оксиди; ис гази.
Катта осма лампа тутаброқ ёнганидан, дўконхонадан ис ва қурум ҳиди билан тўлган ҳаво дарров димоғга урар эди. Ойбек, — Танланган асарлар
Овқатдан ис ҳиди келарди. — Шуҳрат, Шинелли йиллар
3. Тугун ва чангдан шип ва деворларда, нарсалар юзасида ҳосил бўладиган нозик ипсимон, ипир-ипир нарсалар.
Хизматкорхонанинг деворлари, шиплари ўргимчак инлари, ипир-ипир қора ислар билан қопланган. Ойбек, — Танланган асарлар
У [Умид] тахмондаги, шифтлардаги исларни супурги билан олиб, полни икки қайта ювди. Мирмуҳсин, — Умид