ИНВЕРТНЫЕ ЭМУЛЬСИИ

нефтда сувнинг майда заррачалар кўринишида тақсимланишидан ҳосил бўлган эмулсиялар. I.e.li бурғилаш эритмалари нефтли асосдаги эритмаларга нисбатан арзон бўлиб, бурғилаш жараёнида қўшилган сувлар унинг хусусиятларига кам таъсир этади. Бундай эмулсиялар хусусиятини бошқариш осон бўлсада сув таъсирида суюлиб кетиши мумкин, шу сабабли бурғилашда қийинчиликлар келиб чиқади. И.э. иккинчи турга мансуб бўлсада, таркибининг беқарорлигидан, яъни суюлиш натижасида биринчи турга ўтиши мумкин. И.э. таркиби: сув 70—95%, эмултала (талл мойи) 0,5—1,5%, қаттиқ фаза (оксидланган петролатум ёки гил) 2—3%, нефт фазаси 5—30%. Нефтли асосдаги эритмалар ва И.э. сувли асосдаги эритмаларга нисбатан бир қатор афзалликларга эга. Мас., қалин туз қатламларини бурғилашда қудуқ девори амалда ювилмайди, ковак ҳосил бўлмайди, гил жинслар бўкмайди ва ағдарилмайди, бурғилаш тезлиги ошади, БҚБ қисилмайди, шу билан бирга коллекторларнинг табиий ўтказувчанлиги сақланиб қолади., Инверт эмулсиялар