ИНВЕРТНЫЕ ЭМУЛЬСИИ

neftda suvning mayda zarrachalar koʻrinishida taqsimlanishidan hosil boʻlgan emulsiyalar. I.e.li burgʻilash eritmalari neftli asosdagi eritmalarga nisbatan arzon boʻlib, burgʻilash jarayonida qoʻshilgan suvlar uning xususiyatlariga kam taʼsir etadi. Bunday emulsiyalar xususiyatini boshqarish oson boʻlsada suv taʼsirida suyulib ketishi mumkin, shu sababli burgʻilashda qiyinchiliklar kelib chiqadi. I.e. ikkinchi turga mansub boʻlsada, tarkibining beqarorligidan, yaʼni suyulish natijasida birinchi turga oʻtishi mumkin. I.e. tarkibi: suv 70—95%, emultala (tall moyi) 0,5—1,5%, qattiq faza (oksidlangan petrolatum yoki gil) 2—3%, neft fazasi 5—30%. Neftli asosdagi eritmalar va I.e. suvli asosdagi eritmalarga nisbatan bir qator afzalliklarga ega. Mas., qalin tuz qatlamlarini burgʻilashda quduq devori amalda yuvilmaydi, kovak hosil boʻlmaydi, gil jinslar boʻkmaydi va agʻdarilmaydi, burgʻilash tezligi oshadi, BQB qisilmaydi, shu bilan birga kollektorlarning tabiiy oʻtkazuvchanligi saqlanib qoladi., Invert emulsiyalar