immobilizatsiya

ot 1. tib. Sinish-chiqishda, boʻgʻim kasalliklarida gavdaning shikastlangan yoki kasal qismini qimirlamaydigan qilib qoʻyish.

2. iqt. Koʻchuvchi (harakatdagi) mol-mulkni koʻchmas mulkka aylantirish.

shikastlangan aʼzoning tinch holatda boʻlishini talab etadigan shikastlanish, yalligʻlanish va boshqa ogʻir ogʻriqli jarayonlarda tananing shikastlangan yoki kasal qismining, odatda qoʻl-oyoqlar yoki umurtqaning qoʻzgʻalmasligini taʼminlash. Tashish (vaqtinchalik) va davolash (doimiy) I. ajratiladi. Tashish I.ning vazifasi — jabrlanuvchini davolash muassasasiga olib borish vaqtida tananing shikastlangan qismini qoʻshimcha shikastlanishdan saqlash. Birinchi yordam koʻrsatish vaqtida tashish I. uchun maxsus taxtakachlar (narvonli, pnevmatik, vakuumli va h.k.) qoʻllaniladi; ular boʻlmaganda novda, taxtacha, somon tutamidan taxtakach qilinadi. Davolash I. gips bogʻlami, maxsus kompression-distraksion apparatlar bilan choʻzish, ortopedik korset va ortopedik apparatlar bilan amalga oshiriladi. Shuningdek singan suyaklarni operatsiya qilishda singan boʻlaklarni birlashtirish va harakatsizlantirishga zanglamaydigan poʻlat, titan va boshqa qotishmalardan yasalgan maxsus mixlar, murvatlar, plastinkalar yordamida erishiladi. Suyaklar singanda I. tomirlar, nerv va boshqa toʻqimalarning qoʻzgʻaluvchan suyak parchalari tomonidan shikastlanishining oldini oladi va suyaklarning bitishi uchun sharoit yaratadi. Suyaklar ochiq singanda va yumshoq toʻqimalarning infeksiya tushgan yaralarida I. — infeksiyaning oldini olish va unga qarshi kurash usullaridan biri. Qoʻl-oyoqlarning shikastlanishida (suyak sinishi, suyak chiqishi, boʻgʻim kasalliklari va boshq.) I. ogʻriqni kamaytirish, shokning oldini olish uchun katta ahamiyat kasb etadi. I. operatsiyadan soʻng tana

n immobilization