иммобилизация

от 1. тиб. Синиш-чиқишда, бўғим касалликларида гавданинг шикастланган ёки касал қисмини қимирламайдиган қилиб қўйиш.

2. иқт. Кўчувчи (ҳаракатдаги) мол-мулкни кўчмас мулкка айлантириш.

шикастланган аъзонинг тинч ҳолатда бўлишини талаб этадиган шикастланиш, яллиғланиш ва бошқа оғир оғриқли жараёнларда тананинг шикастланган ёки касал қисмининг, одатда қўл-оёқлар ёки умуртқанинг қўзғалмаслигини таъминлаш. Ташиш (вақтинчалик) ва даволаш (доимий) И. ажратилади. Ташиш I.ning вазифаси — жабрланувчини даволаш муассасасига олиб бориш вақтида тананинг шикастланган қисмини қўшимча шикастланишдан сақлаш. Биринчи ёрдам кўрсатиш вақтида ташиш И. учун махсус тахтакачлар (нарвонли, пневматик, вакуумли ва ҳ.к.) қўлланилади; улар бўлмаганда новда, тахтача, сомон тутамидан тахтакач қилинади. Даволаш И. гипс боғлами, махсус компрессион-дистраксион аппаратлар билан чўзиш, ортопедик корсет ва ортопедик аппаратлар билан амалга оширилади. Шунингдек синган суякларни операция қилишда синган бўлакларни бирлаштириш ва ҳаракацизлантиришга зангламайдиган пўлат, титан ва бошқа қотишмалардан ясалган махсус михлар, мурватлар, пластинкалар ёрдамида эришилади. Суяклар синганда И. томирлар, нерв ва бошқа тўқималарнинг қўзғалувчан суяк парчалари томонидан шикастланишининг олдини олади ва суякларнинг битиши учун шароит яратади. Суяклар очиқ синганда ва юмшоқ тўқималарнинг инфексия тушган яраларида И. — инфексиянинг олдини олиш ва унга қарши кураш усулларидан бири. Қўл-оёқларнинг шикастланишида (суяк синиши, суяк чиқиши, бўғим касалликлари ва бошқ.) И. оғриқни камайтириш, шокнинг олдини олиш учун катта аҳамият касб этади. И. операциядан сўнг тана

н immobilization