ikkinchi

son 1. Tartib sirasida 2 raqami bilan belgilangan; 2 nomerli.

Ikkinchi jild. Ikkinchi uy. Ikkinchi qator.

Juvon uzoq adirning etagida qorayib turgan qishloqni koʻrsatdi: — Ikkinchi MTS hu oʻsha yerda. — A. Qahhor, Qoʻshchinor chiroqlari

2. Maʼlum tartibdagi predmet, voqea-hodisa va shu kabilar qatorida eng oldingidan keyingi oʻrinda turgan, birinchidan keyingi.

Ikkinchi sinf. Oʻtgan asrning ikkinchi yarmida.

Dalaga birinchi kuni 52, ikkinchi kuni 79 odam chiqdi. — A. Qahhor, Qoʻshchinor chiroqlari

3. Ayni bir narsaning tilga olinganidan boshqasi, keyingisi.

Murod bir tuflisining uchini ikkinchisining tovoni bilan bosib, chaqqonlik bilan oyoq kiyimini oldi-da, uyga kirdi. — T. Ashurov, Oq ot

Ular bir-birlari bilan oʻchakishganday, xurrakni daraja-badaraja oshirishga tirishadi: birisiniki avjga minganda, ikkinchisi boshlaydi. — Oybek, Tanlangan asarlar

4. Boshqa marta, qayta.

Bas, uyatsiz maxluq! Kim uni zaharlaydi? Bu gapni man ikkinchi eshitmay. — Oybek, Tanlangan asarlar

второй

num. card second

ekinshi

(das), (der), (die) zweite

ikkinchi sentabrda oʻqish boshlanadi am zweiten September beginnt das Studium

second