игна
ignaигна
от 1. Бир томони найзасимон, иккинчи томони тешик бўлиб, тешигидан ип ўтказиб, нарса тикишга мўлжалланган ингичка металл асбоб.
Машина игна. Тепчик игна. Қавиқ игна. Игнага ип ўтказмоқ.
2. Турли асбобларнинг игнасимон қисми.
Патефон игнаси. Примус игнаси.
3. тиб. Тиббий техникада: ингичка сим ёки учи ўткир найча кўринишидаги санчилувчи ёки санчилувчи-кесувчи асбобларнинг умумий номи.
1982 йил сентябрь ойининг охирларида игна билан даволовчи олим ва шифокорларнинг бутуниттифоқ анжумани бўлиб ўтди. — Фан ва турмуш
4. Баъзи ўсимлик ва жониворларнинг игнасимон аъзоси, найзаси, тикани.
Дарахт игнаси. Кирпи игнаси.
- Игна билан қудуқ қазимоқ Қийин, майда, машаққатли ва узоқ муддатли ишни қунт, бардош, матонат билан бажармоқ. Илм (олиш) — игна билан қудуқ қазиш билан баравар.
- Игна санчмоқ Оғир ботадиган гап айтмоқ, қаттиқ тегадиган гап гапирмоқ.
- Игна тешигидан ўтадиган Чаққон, абжир. Разведкага игна тешигидан ўтадиган эпчил кишилар керак. Шуҳрат, — Шинелли йиллар
- Игна устида ўтирмоқ Жуда бетоқат, безовта ва азобда бўлмоқ. У [Одилжон] игна устида ўтиргандай, жуда бетоқат эди, дам-бадам томоғини қириб ёʻталиб, соатига қарарди. — Р. Раҳмонов, Қўшнилар
- Игнадай нарсани туядай қилмоқ Кичик нарсани катта қилиб кўрсатмоқ, муболаға қилмоқ, орттириб, бўрттириб юбормоқ. Қўзибойнинг игнадай нарсани туядай қилиб гапириш одати бор. — Ҳ. Назир, Кўкорол чироқлари
- Игнадек санчилмоқ Қаттиқ ботмоқ (гап ҳақида). Бекмуродга чолнинг деганлари гўё игнадек санчилди. — И. Ўктамов, Изза
- Игнанинг учидай Жуда кичик; зиғирча, жичча. — Ҳе-ҳе-ҳе, — элликбоши кулиб, кўзларини артди, — игнанинг учидай ёлғони ёʻқ, қулинг бўлай, бойвачча. — Ойбек, Танланган асарларБироқ, менинг гуноҳим игнанинг учидай бўлса, сизларнинг айбингиз туядай. — Ш. Рашидов, Бўрондан кучли