ифода

ifoda

1 та луғатда: Изоҳли яна 6 та луғатда — ҳаммасини кўриш ЖСОН Шеваларда Барча қидирув натижалари

Изоҳли луғат

ифода

от 1. Билдирувчи, акс эттирувчи нутқ бирлиги: сўз, ибора, гап ва бошқалар

Ўқитувчи қисқа ифодада кўп фикр айта билиш маҳоратига эга бўлмоғи лозим. — Р. Усмонов, Одобнома

Бу сўз борлиғимнинг, бутун қалбимнинг Ифодаси бўлиб қуйилар тилга. — Зулфия

Ифода сиқиқлиги шеърда муҳим масалалардандир. — Ёшлик

2. Акс эттирувчи ёки мужассамлантирувчи белги, ҳолат, рамз.

Қардош мамлакатлар адабиёти ва санъати декадалари — халқлар дўстлигининг ифодасидир.

— Ўзингиз биласиз, — деди Сидиқжон унга маъюс назар ташлаб; унинг бу қарашида чексиз миннатдорчилик ифодаси бор эди. — А. Қаҳҳор, Қўшчи-нор чироқлари

Чеҳрасига қалқиб чиққан аламли ифодани яширишга уриниб, бурилиб қаради. — Ў. Ҳошимов, Қалбингга қулоқ сол.

3. Бирор математик боғланишни билдирувчи формула.

Алгебраик ифода. Пифагор теоремасининг математик ифодаси. Ифодани ечмоқ.

Ифода этмоқ (ёки қилмоқ) Сўз, гап ёки бошқа восита билан билдирмоқ, англатмоқ; ифодаламоқ. Гўё у биргина сўз ва боқиш билан бу уйда ва бу одамлар орасида кечирмоққа мажбур бўлиши ҳаётининг бутун оғирлигини ифода қилмоқчи бўлди. — Ойбек, Танланган асарларСидиқжоннинг юзида илжайишга ўхшаган, лекин ҳеч қандай маънони ифода этмаган бир нарса пайдо бўлди. — А. Қаҳҳор, Қўшчинор чироқлари