ичкари

рвш. 1. зид. Хона, ҳовли, қалъа ва шу кабиларнинг ички қисми, ички томони; ташқари.

Ҳамдамформа, маълум бир ҳовлининг орқасига ўтиб, ўзига таниш бўлган бир деразадан ичкарига қаради. — С. Айний, Қуллар

Биронта таниш кўринмагач, ўзи ичкарига кирмоқчи бўлган эди, қоровул уни тўхтатди. — С. Юнусов, Кутилмаган хазина

Овоз энди ичкаридан эмас, ташқаридан эшитилди. — М. Исмоилий, Фарғона тонг отгунча.

Рулда кексароқ киши ўтирар, ичкарида уч-тўртта аёл бор эди. — С. Сиёев, Ёруғлик

2. Маълум жой, майдон, ҳудуд ва шу кабиларнинг бошланишдан ўрта қисми, марказ томони: ич қисм, ич томон.

Шаҳар ичкариси. Мамлакат ичкариси. Боғнинг ичкариси.

Беҳисоб ёʻллар чўл ичкарисига тармоқланиб кетган. — Ўзбекистон қўриқлари

— Ҳў анови нашватини қаранг, ўғлим, — деди у, девордан анча ичкарида меваларининг кунгай томонлари қизариб турган нашвати дарахтига имо қилиб. — М. Исмоилий, Фарғона тонг отгунча.

3. этн. Ҳовлининг ташқи ҳовлидан девор билан ажратилган, аёллар я болалар турадиган қисми; ички ҳовли.

Марямхон ўн тўққиз ёшида, бундан саккиз-тўққиз йил илгари бу уйга, мусулмон ичкарисига қамалган. — Ойбек, Танланган асарлар

4. Ич томонда жойлашган; ички.

Доя келгандан сўнг, ичкари ҳовли эркак зотидан тозаланди. — А. Қодирий, Ўтган кунлар

Саодатхон Латофатни мулойимлик билан ичкари уйга таклиф қилди. — С. Зуннунова, Янги директор

Ичкари дарвозанинг чап ёнидан тоза кўрай, деб Оққиз ўтди. — Эрали ва Шерали

Ичкари ҳовлида кекса Меъмор атрофида сизи ва хотини шумшайиб ўтиришарди — Мирмуҳсин, Меъмор