ichikmoq

fl. 1. Kuchli darajada koʻrishish, yetishish ishtiyoqida boʻlmoq, mushtoq boʻlmoq.

tushida ham, oʻngida ham Shodasoyni koʻrib, yolgʻiz ichikib oʻtirgan Sharofat xola oʻgʻlining yuziga qaramadi ham — A. Muxtor, Chinor

Oyimning ishlari shunaqa. Joʻjalardan birpas ajralsalar, ichikib qoladilar. — H. Nazir, Mayoqsari

— Koʻp ichikmay tur, xotin. hali-zamon choʻzilib kirib ham kelar, — dedi Xolmirza. — H. Nazir, Oʻtlar tutashganda

2. Ota-onani sogʻinib kasal boʻlmoq (bolalar haqida).

Tuynukka qarab chaqirsak, otamiz kelar ekan, deb oʻchoqning moʻrisiga bosh suqib chaqirishadigan boʻlishibdi. Qoʻying-chi, ikkovi ham ichikib, ozib-toʻzib, halok boʻlibdi-da. — P. Tursun, Oʻqituvchi