huzur

ҳузур

1 ta lugʻatda: Izohli yana 7 ta lugʻatda — hammasini koʻrish JSON Shevalarda Barcha qidiruv natijalari

Izohli lugʻat

huzur I

ot Yuqori darajadagi qanoat, qoniqish hissi, kishi vujudi, aʼzolarining yayrash holati; rohat.

Oʻz mehnatining huzurini koʻrmoq.

Kanal suvi qirgʻoqqa bir maromda yel purkab, saratonda odamga huzur bagʻishlaydi. — Oʻzbekiston qoʻriqlari

Paxtachilikning azobi ham, huzuri ham bor. — Gazetadan

Latofat gullar ichida yurgandek, huzur bilan nafas oldi. — S. Zunnunova, Yangi direktor

Huzur qilmoq Huzur, rohat hissini tuymoq: huzurlanmoq. Huzur qilib nafas olmoq. Sovuq suvda huzur qilib yuvinmoq.Bahor havosidan koʻngillar huzur qiladi. — Oybek, Ulugʻ yoʻlUmid yugurib chiqib, qoʻlini sovunlab yuvib keldi, ovqatni huzur qilib ichdi. — Mirmuhsin, UmidMirvaliyev oʻz gapidan oʻzi huzur qilib kuldi. — Mushtum

huzur II

ot koʻm. vzf. (joʻnalish, oʻrin-payt va chiqish kelishiklarida — huzuriga, huzurida, huzuridan) Makon munosabatlarini bildiradi.

Azimjon ishdan qaytayotib, bugun yana onasining huzuriga kirdi. — Saodat

Toshpoʻlatov rais bilan maktab huzurida kurs ochish uchun maxsus joy ajratish rejalari haqida uzoq suhbatlashdi. — R. Fayziy, Choʻlga bahor keldi

Tashabbuskor quruvchilar huzuridan qaytar ekanmiz, ular amalga oshirayotgan ishlar va belgilayotgan rejalar haqida oʻyladik. — Gazetadan