ҳукумат

от 1. Давлат ҳокимиятининг давлат бошқарувини бевосита амалга оширувчи, фармойиш берувчи ва ижро этувчи олий органи.

1954 йил январида кўрик ерларни ўзлаштириш ҳақида ҳукуматнинг қарори эълон қилинди. — Ўзбекистон қўриқлари

Мамлакат қонун-қоидасига мувофиқ сайланиб, барпо этилган Туркистон мусулмонлари ҳукуматига ҳурмат шуми? — К. Яшин, Ҳамза

Солиқни одатда қонуний ҳукумат солади. Фуқаро тўлайди — Н. Сафаров, Оловли излар

Ҳукуматнинг қарори бор фронтовикларнинг оиласига зудлик билан ёрдам берилсин, деган. — Уйғун, Танланган асарлар

2. с. т. Давлат.

Ер одамга қараб экиладиган бўлса, Ҳукумат тракторни, машина ўроқни нимага чиқариб қўйипти? — А. Қаҳҳор, Қўшчинор чироқлари

Уруш пайтларида Люблин Полша ҳукуматининг пойтахти эди. — Т. Рустамов, Мангу жасорат.