hovur

ҳовур

3 ta lugʻatda uchraydi JSON Shevalarda Barcha qidiruv natijalari

Izohli lugʻat

hovur

ot 1. Issiqlikdan koʻtarilgan kuchsiz, yengil bugʻ.

Kunlar yaraqlab ketgan, shudgor betidan jimir-jimir hovur koʻtariladi. — R. Rahmon, Mehr koʻzda

Dasturxon ustidagi kosalardan issiq va yogʻliq shoʻrvalarning hovuri chiqib turardi. — Sh. Rashidov, Boʻrondan kuchli

2. Issiqlik taʼsiri; harorat, taft.

Qizilqum va Qoraqum barxanlari quyosh qahr-gʻazab bilan sochgan butun hovurini insonga purkab, bagʻriga hech kimni yoʻlatmagan. — S. Karomatov, Amu-Buxoro

Quyosh tikkaygan sayin havo kuchliroq qiziydi. Soch tolasini yelpirga shamol yoʻq. Yerdan issiq hovur uradi. — Oybek, Oltin vodiydan shabadalar.

Asfalt yoʻllar, shifer va tunuka tomlardan qaynoq hovur koʻtariladi. — S. Nurov, Narvon

3. koʻchma Kishining qizishgan holati.

Aslo mening hovurim bosilmaydi, Betingdan tishlab olib qonatmasam. — Oq olma, qizil olma

Hov(u)rini bosmoq 1. Oʻziga kelmoq; tinchlanmoq. Bir piyola choy ber, bolam, hovurimni bosib olay, keyin aytaman. — MushtumToʻrabek baʼzan qoʻliga xipchin olib, bolalarga doʻq-poʻpisa qilar, shu bilan hovrini bosar edi. H. Nuʼmon va — A. Shorahmedov, OtaRasuljon qizishib borayotgan cholning hovrini bosishga urindi. — J. Abdullaxonov, Xonadon
Hovrini olmoq Noxush, lohas holatdan chiqarmoq. Ish ovutgan boʻlsa, yor-u doʻstlari koʻnglini koʻtardi, hovrini oldi. — Shuhrat, Umr pogʻonalari
Hovuriga osh pishadi (yoki osh damlasa boʻladi) Oʻzini juda yuqori tutib, haddidan oshganlikni bildiradi. hovuriga ikkita osh pishadigan boshliq burniga qoʻngan pashshaga dagʻdagʻa qilib, mushti bilan qoʻrib haydadi. — M. Muhamedov, Qahramon izidanchek beruvchi Fayzi Rahimov haddan chunon oshganki, hovuriga osh damlasa boʻladi. — Mushtum
Hovur(i)dan tushmoq 1. Qizishish, jahldan qaytmoq. Sultonov choʻntagini titkilab, kalitini topdi shekilli, sal hovuridan tushdi. — M. Mansurov, YombiUniversal., bir tekisda ishlayotganini koʻrib, Umarali hovurdan tushdi. — I. Rahim, IxlosXolmat yigʻilishdan keyin ancha hovuridan tushdi, pasayib qoldi. — Sh. Rashidov, Qudratli toʻlqinYigit-yalangning arzini eshitdim Yodgorxoʻja oʻshqirib kelib edi, qamatib qoʻydim. Jindek hovuridan tushmasa boʻlmaydi. — Choʻlpon, Kecha va kunduz

Oʻzbekcha-turkcha izohli lugʻat

HOVUR

1. Issiqlikda koʻtariladigan bugʻ.BUHAR

2. Harorat, issiqlik taʼsiri.HARARET

3. Jahl, gʻazab, gʻazablanish.ÖFKE

Oʻzbekcha-qoraqalpoqcha lugʻat

HOVUR

1. háwir, puw

2. awıs. qızǵın

Maqoladagi xato haqida xabar berish