hikmat

ot 1. Aql-zakovat, donolik va uning ifodasi boʻlgan, uni aks ettiruvchi narsa — gap-soʻz, fikr va shu kabilar; donolik belgisi.

Oz yemoq — tani sogʻliq, Oz demak — hikmatga bogʻliq. — Maqol

Nodonning kulfati koʻp, Dononing —

hikmati. — Maqol

Bobolarning hikmati Hayotga yorugʻ yoʻldir: Otang bolasi boʻlma, Odam bolasi boʻl, der. — E. Vohidov

Podshoh bilan sherga yaqin boʻlmoq hikmatdan emasdir. — Ertaklar

Kurashmoq — oʻrnak boʻlib yashamoq demakdir! — degan edi mualliming, faylasuflarning hikmatini bayon qilib. — I. Rahim, Chin muhabbat

Harakatda barakat —

koʻp qadim hikmat — M. Shayxzoda

2. Tagini anglash qiyin boʻlgan, yashirin bir maʼno, yashirin bir sabab; sir.

Bu oynada qanday hikmatni koʻrding? Jonim bolam, sening holing na boʻldi? — Bahrom va Gulandom

Oldingga kelgan yigit ketolmaydi, sizlarda biror hikmat bor ekan-da. — Oq olma, qizil olma

Bektemir generallarni urushning butun hikmatini biladigan bagʻoyat hurmatli aziz odamlar deb tushunardi. — Oybek, Quyosh qoraymas

Bulbul sayraydi, xoʻroz qichqiradi, eshak hangraydi, ot kishnaydi. Bularning tirikchiligi shu-da. Bunda nima hikmat bor deysiz? — P. Tursun, Oʻqituvchi

3. kam qoʻll. Foydali tomon; naf, foyda (ish, harakat haqida).

Rahmat Otabekka kulimsirab qaradi-da, togʻasiga javob berdi. — Xotin koʻpaytirib, ular orasida azoblanishning nima hikmati boʻlsin? — A. Qodiriy, Oʻtgan kunlar

Toʻgʻri, sholikorlikda hikmat koʻp boʻladi. — Sh. Gʻulomov, Tashabbus

4. Hikmati bor narsa, hikmat bildiruvchi fikr, gap.

Qurib ketmang! Qoʻchqor yogʻi yeb, endi bir hikmat koʻrsatmoqchimidilar! — M. Boboyev, Goʻzallik istab

Qori, xuddi favqulodda bir hikmat eshitganday, ogʻzini va koʻzlarini katta ochib, Toʻpanisoga qaradi. — A. Qahhor, Qoʻshchinor chiroqlari

Yosh xotin qari erkakni yashartiradi, degan gaplar bor; qariganda uylanadigan erkaklar ana shu hikmatga amal qilar emish — Choʻlpon, Kecha va kunduz

5. esk. ayn. Fizika.

— Ha, hikmat kesakdan alanga chiqargandek, siz ham kitobdan olgan bilimlaringizni turmush maktabida sinov-dan oʻtkazing, — dedi qiz. — Sh. Gʻulomov, Yorqin ufqlar

6. Hikmat (erkaklar va xotin-qizlar ismi).

1. Uta donolik; zakovat, aql-idrok.HİKMET

2. Anglash qiyin boʻlgan, yashirin bir maʼno, sir.

3. Badiiy asar janri

oʻzbekchahikmat, tibbiy bilimruschaзнание медициныinglizchawise

Hakimlärkä hikmat asïy qïlmadï Tabiblarga olgan bilimlari foyda bermadi (o‘limga chora topolmadilar) - И врачам знание медицины не принесло пользы [в деле избавления от смерти] - And doctors did not benefit from the knowledge of medicine [in the matter of getting rid of death] — QBN, 98₄; QBN, 1184; 50a4

1. hikmet, aqıl-násiyat

2. jasırın sebep, sır

Weisheit f

saying, aphorism, dictum

ruschaмудростьinglizchawise advisefransuzchasagesse, aphorismearabchaحِكْمَةٌ, فِطْنَةٌ