Havoni ifloslantiruvchi

havoda mavjud boʻlgan va muayyan konsentratsiyada odamga, hayvonga, oʻsimliklarga yoki moddiy obyektlarga zarar yetkazishi mumkin boʻlgan har qanday modda. Ifloslantiruvchi moddalar tabiiy va sunʼiy uchuvchan moddalarning deyarli barcha qoʻshilmalarini oʻz ichiga olishi hamda qattiq zarrachalar, suyuqlik tomchilari, gaz va qorishma shaklida boʻlishi mumkin. Umuman olganda ifloslantiruvchi moddalar ikki asosiy guruhga boʻlinadi: (1) aniqlash mumkin boʻlgan manbalardan bevosita havoga chiqariladigan, (2) ikki yoki undan ortiq birlamchi ifloslantiruvchi moddalarning oʻzaro taʼsiri yoki ifloslantiruvchi moddaning, odatda atmosferada mavjud modda bilan reaksiyasi natijasida, yorugʻlik taʼsirida yoxud taʼsirisiz havoda hosil boʻladigan ifloslantiruvchi moddalar.