hap
ҳапhap I
taql. s. Ogʻizning tez ochilib-yopilishini, shunda chiqadigan tovushni bildiradi.
- Hap etmoq (yoki demoq) Tishlash uchun ochilgan ogʻizni tez berkitmoq (it, boʻri haqida). It hap etib tishlab oldi. Boʻri hap etib tashlandi.
hap II
shv. und. s. Jim!
Aya! Risolat xola shoshib, Abduvaliga oʻgirildi. — Hap, — koʻrsatkich barmogʻini lablariga bosib, Habiba xonimning uyi tomon koʻz tashlab oldi. — Sh. Toshmatov, Erk qushi
Xarish otga oʻxshab taysallamay hap tursang-chi! — S. Ahmad, Choʻl burguti
— Hap oʻtir, tirmizak, — hisobchi bolani jerkib berdi. — H. Gʻulom, Mashʼal