hamon

rvsh. 1. Shu damgacha, hozirgacha, hali ham.

Sening gaping hamon qulogʻimda. Hamon ishlayapti. Hamon soʻzlayapti.

Dovul hamon quturmoqda. — A. Muxtor, Qoraqalpoq qissasi

Oradan qancha yillar oʻtsa hamki, hamon mana shu hikoya menga tinchlik bermaydi. — Gazetadan

2. koʻm. vzf. Payt munosabatini bildiradi; oʻsha (shu) ondayoq, bilan(oq).

Ular jardan chiqqan hamon odam ovozini eshitdilar. — M. Muhamedov, Qahramon izidan

[Gulnor] Yoʻlchi toʻgʻrisida Nurining soʻzlarini eshitgan hamon, olam uning koʻziga qorongʻilandi. — Oybek, Tanlangan asarlar

yonbosh qoʻygani hamon koʻzi yumilib, uyqu bosardi. — T. Rustamov, Mangu jasorat