ҳамкорлик

от 1. (қ. Иш-фаолиятда бирга, ҳамкор бўлиш, айни бир ишда биргалашиш, уни тенг бажариш ҳамкор 1).

Автоматчилар танкчилар билан ҳамкорликда ҳужумни давом эттириб, душман мудофаасини ёриб ўтишди. — Т. Рустамов, Мангу жасорат

Марҳум устозим Зиё Саид билан ҳамкорликда Тарих тилга кирди китобини ёздик. — Н. Сафаров, Оловли излар

2. Бирор соҳада ўзаро боғланиб, биргаликда, ҳамкор бўлиб иш олиб бориш.

Иқтисодий ҳамкорлик.

“Тоҳир ва Зуҳра“ филми тугар-тугамас, Наби Ғаниев кинорежиссёр Комил Ёрматов ҳамкорлигида Насриддиннинг саргузаштлари кинокомедияси устида иш бошлади. — Ф. Жўраев, Обид Жалилов

Биз физиология мутахассислари билан ҳамкорликда ядро нурланишларининг уруғлик чигитга таъсирини ўргандик. — Фан ва турмуш

Аҳдлашувчи томонлар радио-эшиттириш ва кинематография соҳасида ҳамкорликни кучайтирадилар. — Газетадан