гулламоқ

gullamoq

1 та луғатда: Изоҳли яна 5 та луғатда — ҳаммасини кўриш ЖСОН Шеваларда Барча қидирув натижалари

Изоҳли луғат

гулламоқ И

фл. 1. Гул очмоқ, гулга кирмоқ.

Ғўза гуллади. Бодом гуллади.

Деразамнинг олдида бир туп Ўрик оппоқ бўлиб гуллади. — Ҳ. Олимжон

Ғўзалар гуллаётган пайт. — И. Рахим, Чин муҳаббат

2. кўчма . Равнақ топмоқ, ривожланмоқ; обод бўлмоқ.

Тоштемир Сурхон водийсининг гуллаган воҳаларини кўриб, айланиб чиқди. Назармат, — Жўрлар баланд сайрайди

[Янгиер] Бошида қандай эди-ю, ҳозир қандай? Одамнинг қадами тегди-ю, гуллаб кетди. — Р. Файзий, Чўлга баҳор келди

3. Гул-гул очилмоқ, гўзаллашмоқ, яшнамоқ; камолга етмоқ.

Умрининг гуллаган даври қамоқхоналарда ўтган Шоҳназар озодликнинг биринчи куниданоқ нима қилишини билмай, бош қашлаб қолди. — Муштум

Ёш авлод — келгусимиз, фахримиз ҳам кўркимиз. Ёшлик — бу умримизнинг гуллаган баҳоридир. — Э. Рахим, Янги қадам

Оғзидан гулламоқ Ғайришуурий равишда сирини очиб, айтиб қўймоқ. — Эшитинг, — деди Эргаш. — Бирламчи шартим: бу ишингизни ўла-ўлгунча сир тутасиз, оғзингиздан гулламайсиз. — К. Яшин, ҲамзаФақат бориб таништиргунча, оғзингиздан гуллаб юрманг. — Н. Аминов, Ёлғончи фаришталар

гулламоқ ИИ

фл. Моғорламоқ, пўпанак босмоқ.

Нон гуллабди.