грим

от 1. Махсус бўёқлар, ясама соч, соқол ва шу кабилар ёрдамида актёр қиёфасини ўзгартириш санъати.

Грим қилмоқ.

Томоша бошланишига ҳали ўн тўрт минут бор. Артистлар грим қилиб бўлишган. — С. Аҳмад, Уфқ

Спектаклнинг бошланишига ҳали анчагина вақт борлигига қарамай, у [Обид Жалилов] грим қилишга ўтириб, Мажидиддин қиёфасига кира бошлади. — Ф. Жўраев, Обид Жалилов

2. Актёрни муайян қиёфада кўрсатиш учун ишлатиладиган махсус бўёқ, ясама соч, соқол ва шу кабилар

Гримда ўйнамоқ. Гримни артиб ташламоқ.

Ҳамза қўйган спектаклларида саҳна жиҳозларига, артистларнинг кийим-кечак ва гримларига жуда катта эътибор берган. — Газетадан