graftuzuvchi

Egri va toʻgʻri chiziqlar oʻtkazish yoʻli bilan tasvir chizadigan qurilma. Ikki turdagi, yaʼni barabanli va planshetli graftuzuvchilar ishlab chiqariladi. Barabanli (rulonli) graftuzuvchida tasvir chiqariladigan qogʻoz yoki plyonka barabanga mahkamlanadi. Barabanli graftuzuvchilar ixcham, ishlatishda qulay, katta uzunlikdagi chizmalar bilan ishlash imkonini beradi. Planshetli (yassi) graftuzuvchilarda qogʻoz yoki plyonka tekislikda joylashadi va u qoʻzgʻalmas. Tekislik ustidan metall konstruksiya oʻrnatiladi, u yozuv blokini bir vaqtning oʻzida ikki koordinata boʻyicha tekislik boʻylab siljitish imkonini beradi. Bular ancha qimmatbaho apparatlar boʻlsa-da, aks ettirilayotgan tasvirning yuqori aniqligini taʼminlab beradilar. Yozuv blokining turiga qarab graftuzuvchilar peroli, sharrachali va elektrostatik xillarga boʻlinadi. Graftuzuvchilarning ikki klassni farqlashadi. Vektorli turda yozuvchi blok vektorli tasvirlarni ikki yoʻnalishda siljib chizadi. Rastrli graftuzuvchilarda rastrli tasvirlar rastr nuqtalari yordamida yaratiladi.английскийplotterрусскийграфопостроитель