gʻoz

ғоз

1 ta lugʻatda: Izohli yana 5 ta lugʻatda — hammasini koʻrish JSON Shevalarda Barcha qidiruv natijalari

Izohli lugʻat

gʻoz I

ot 1. Yovvoyi yoki xonakilashtirilgan, boʻyni uzun, suvda suzuvchi yirik qush.

Anavi Toʻlaganning erkatoyi! Minaman, deb gʻozlarni quvlagani-quvlagan. — A. Qahhor, Ogʻriq tishlar

Koʻklam keldi, uchib oʻtdi gʻoz-u turnalar. — Gʻ, Gʻulom

Sohilida chayqalar qamish Uchib oʻtar baʼzan oʻrdak, gʻoz. — Yo, Mirzo

2. koʻchma Gavdani tik koʻtargan holda: tik turib; tikka.

Gavdani gʻoz tutmoq. U gʻoz yurib chiqib ketdi.

Qizil shapkali qotmagina temiryoʻlchi minbarga yugurib chiqdi-da, Oxunboboyev oldida gʻoz turib raport berdi. — H. Gʻulom, Toshkentliklar

Kaklik chiroyli boʻynini gʻoz tutganicha, mast koʻzlarini jovdiratib xonish qilardi. — S. Anorboyev, Oqsoy

Gʻoz qarash Boʻynini choʻzib qarash, alanglash. [Bonu] Oʻrniga borib oʻtirib, zaldagilarga bir gʻoz qarash qilib qoʻydi. — S. Karomatov, Hijron

gʻoz II

ot esk. kt. ayn. Gaz II.

gʻoz III

ot s. t. Kuch-quvvat, kaloriya.

Gʻozi yoʻq ovqat. Oftobda turib, oʻgʻitning gʻozi qolmapti.

Dehqon yetishtirgan noz-u neʼmatlarning gʻozi boʻlsagina, pazandaning oshi totli boʻladi. — M. Karimjonov, Patinjon

Koʻmiri yaxshi chiqmadi. Gʻozi yoʻqqa oʻxshaydi. — R. Fayziy, Hazrati inson