ғоз

gʻoz

1 та луғатда: Изоҳли яна 5 та луғатда — ҳаммасини кўриш ЖСОН Шеваларда Барча қидирув натижалари

Изоҳли луғат

ғоз И

от 1. Ёввойи ёки хонакилаштирилган, бўйни узун, сувда сузувчи йирик қуш.

Анави Тўлаганнинг эркатойи! Минаман, деб ғозларни қувлагани-қувлаган. — А. Қаҳҳор, Оғриқ тишлар

Кўклам келди, учиб ўтди ғоз-у турналар. — Ғ, Ғулом

Соҳилида чайқалар қамиш Учиб ўтар баъзан ўрдак, ғоз. — Ё, Мирзо

2. кўчма Гавдани тик кўтарган ҳолда: тик туриб; тикка.

Гавдани ғоз тутмоқ. У ғоз юриб чиқиб кетди.

Қизил шапкали қотмагина темирёʻлчи минбарга югуриб чиқди-да, Охунбобоев олдида ғоз туриб рапорт берди. — Ҳ. Ғулом, Тошкентликлар

Каклик чиройли бўйнини ғоз тутганича, маст кўзларини жовдиратиб хониш қиларди. — С. Анорбоев, Оқсой

Ғоз қараш Бўйнини чўзиб қараш, аланглаш. [Бону] Ўрнига бориб ўтириб, залдагиларга бир ғоз қараш қилиб қўйди. — С. Кароматов, Ҳижрон

ғоз ИИ

от эск. кт. айн. Газ ИИ.

ғоз ИИИ

от с. т. Куч-қувват, калория.

Ғози ёʻқ овқат. Офтобда туриб, ўғитнинг ғози қолмапти.

Деҳқон етиштирган ноз-у неъматларнинг ғози бўлсагина, пазанданинг оши тотли бўлади. — М. Каримжонов, Патинжон

Кўмири яхши чиқмади. Ғози ёʻққа ўхшайди. — Р. Файзий, Ҳазрати инсон