ГОЛОВКИ БУРИЛЬНЫЕ ШАРОШЕЧНЫЕ

қудуқ тубини бурғилайдиган, калибровкалайдиган, шунингдек, керн ҳосил қилиб уни бурғилаш жараёнида ҳар қандай зарарланишидан асрайдиган асбоб-бошча. Ҳамма шарошкали асбоблар сингари, бундай шарошкали бошчалар ҳам турли қаттиқликдаги ва абразив тоғ жинсларини самарали емиради. ИСМ ва олмосли асбобларидан анча арзон. Узунасига ва кўндаланг титраш режимида ишлайди, айниқса, дарзли, бўш сементланган, бўшоқ жинсларда кернни узиб майдалайди. Sh.b.b.ning конструксияси ва тайёрлаш технологияси мураккаб. Шарошкалар бурғи бошчасида конуссимон, бир, икки ёки уч конусли, силиндрик, силиндр-конуссимон, доирасимон, линзасимон бўлиши мумкин. Бурғи бошчаси битта, иккита, учта, тўртта, олтита, саккизта ва ундан кўп шарошкали. Шарошкалар юқори навли пўлатдан тайёрланади. Ювувчи мослама бир неча каналлардан иборат. Каналлар бурғи бошчасининг қобиғидан пармалаб тешилади. Суюқликни чиқарувчи тешиклар шарошкалар оралиғида керндан узоқроқда жойлашади. Ш.б.б. конструксиясининг муҳим параметри керн қабулқилгичнинг баландлиги ва қабул қилиш коеффициенти ҳисобланади. Керн қабулқилгичнинг баландлиги керн ҳосил бўлиш зонасидан керн узувчигача бўлган масофа ҳисобланади, шу масофага керн диаметрининг бўлган нисбати керн қабул қилиш коеффициенти дейилади. Ш.б.б. шарошкали долоталар таснифига ўхшаш таснифланади, яъни шарошкалар сонига қараб синфи, тишларининг тайёрланган материали, тури, уларнинг тоғ жинслари хоссалари бўйича танланиши, модификацияси ёки сериялари, тайёрлаш конструксияси ва технологияси, маълум ўлчамда тайёрланишига қараб таснифланади., Шарошкали бурғи бошчалари