ГОЛОВКИ БУРИЛЬНЫЕ ШАРОШЕЧНЫЕ

quduq tubini burgʻilaydigan, kalibrovkalaydigan, shuningdek, kern hosil qilib uni burgʻilash jarayonida har qanday zararlanishidan asraydigan asbob-boshcha. Hamma sharoshkali asboblar singari, bunday sharoshkali boshchalar ham turli qattiqlikdagi va abraziv togʻ jinslarini samarali yemiradi. ISM va olmosli asboblaridan ancha arzon. Uzunasiga va koʻndalang titrash rejimida ishlaydi, ayniqsa, darzli, boʻsh sementlangan, boʻshoq jinslarda kernni uzib maydalaydi. Sh.b.b.ning konstruksiyasi va tayyorlash texnologiyasi murakkab. Sharoshkalar burgʻi boshchasida konussimon, bir, ikki yoki uch konusli, silindrik, silindr-konussimon, doirasimon, linzasimon boʻlishi mumkin. Burgʻi boshchasi bitta, ikkita, uchta, toʻrtta, oltita, sakkizta va undan koʻp sharoshkali. Sharoshkalar yuqori navli poʻlatdan tayyorlanadi. Yuvuvchi moslama bir necha kanallardan iborat. Kanallar burgʻi boshchasining qobigʻidan parmalab teshiladi. Suyuqlikni chiqaruvchi teshiklar sharoshkalar oraligʻida kerndan uzoqroqda joylashadi. Sh.b.b. konstruksiyasining muhim parametri kern qabulqilgichning balandligi va qabul qilish koeffitsiyenti hisoblanadi. Kern qabulqilgichning balandligi kern hosil boʻlish zonasidan kern uzuvchigacha boʻlgan masofa hisoblanadi, shu masofaga kern diametrining boʻlgan nisbati kern qabul qilish koeffitsiyenti deyiladi. Sh.b.b. sharoshkali dolotalar tasnifiga oʻxshash tasniflanadi, yaʼni sharoshkalar soniga qarab sinfi, tishlarining tayyorlangan materiali, turi, ularning togʻ jinslari xossalari boʻyicha tanlanishi, modifikatsiyasi yoki seriyalari, tayyorlash konstruksiyasi va texnologiyasi, maʼlum oʻlchamda tayyorlanishiga qarab tasniflanadi., Sharoshkali burgʻi boshchalari