gʻoʻla
ғўлаgʻoʻla
ot 1. Daraxt tanasi yoki xodadan kesib olingan boʻlak.
— Ikkita sada ham sotib olib, charx boʻladigan gʻoʻla kesib tayyorlab qoʻydim — dedi [otam]. — S. Ayniy, Esdaliklar
Abduvahob gulzor orqasidagi xonadan bir necha arralangan gʻoʻlalarni koʻtarib chiqdi. — Sh. Toshmatov, Erk qushi
Hovlida katta yongʻoq gʻoʻlasi ustida miltigʻini tozalab oʻtirgan Toʻrabek chorboqqa qarab qoʻydi. — M. Mansurov, Yombi
2. Gʻoʻlaga oʻxshash, yoʻgʻon.
Uning dallol qarindoshi savatday sallasini olib qoʻyib qoʻnji bir qarich, qurushqoq mahsili, qoʻpol gʻoʻla oyoqlarini uzatdi. — Oybek, Oltin vodiydan shabadalar
Yuqoridan magnit podyomniklari choʻyan gʻoʻlalarini olib kelib, pechga tashladi. — Mirmuhsin, Chiniqish
3. koʻchma Kuchli, asosli.
Biroq, koʻchaga chiqish uchun gʻoʻlaroq vaj kerak edi. Vajni darrov topdim — A. Muqimov, Aqlim kiryapti
Gapning gʻoʻlasi buyoqda — Mushtum
4. Kichik yumaloq shaklli, gʻoʻlak.
Oʻq oʻrnida sogʻ loyni noʻxatdek-noʻxatdek gʻoʻla qilib, ogʻziga solardi-da, tuppakni nishonga toʻgʻrilab, tuf desa, moʻljalga olingan parranda toʻp-toʻp yerga tushaverardi. — Shukrullo, Javohirlar sandigʻi
Keyin [tutni] quritib, gʻoʻla qilib olishdi. — Sh. Xolmirzayev, Bodom qishda gulladi
- Gʻoʻladan kelgan Yoʻgʻon, gʻoʻlabur. Bir nafas oʻtmay, kabinetga gʻoʻladan kelgan, moʻylovdor, quvnoq bir odam kirib keldi. — Mirmuhsin, Zanglagan qilich
- Koʻz gʻoʻlasi Gʻoʻlasi chiqay-chiqay deb turgan katta koʻzlari kimga, nimaga tikilayotganining tayini yoʻq. — A. Muhiddin, Qadah
GʻOʻLA
Xodadan kesib olingan boʻlak.ODUN PARÇASI, KÜTÜK
gʻoʻla
чурбан, короткое бревно
gʻoʻla
n block, stump, deck, butt end
gʻoʻla
Block m, Klotz m, Holzklotz m