ГИДРОГЕОЛОГИЧЕСКАЯ КАРТА

тоғ жинсларида ер ости сувларининг тарқалиш шароитини, уларнинг туз ва газ таркибини, жинснинг (сувли горизонтнинг, сувли мажмуанинг) сувга мўллигини ва sh.k.larni харитада ифодалаш. Харита мазмуни унинг мақсади ва масштабига қараб белгиланади. Нефт-газ гидрогеологияси амалиётида ҳар бир сувли горизонт ва мажмуа учун алоҳида Г.х. тузилади. Шунингдек ҳар бир горизонт (мажмуа) учун гидрокимёвий, гидродинамик, геотермик ва ш.к.) хариталар мажмуи тузилиб, улардан нефтгазлиликни башоратлашда фойдаланилади. G.x.lar гидрогеологик сёмка ва разведка ишлари натижаларидан фойдаланиб тузилади. G.x.lar масштабига кўра: обзор (1:1000000 ва ундан кичик), майда масштабли (1:500000—1:1000000), ўрта масштабли (1:100000 — 1:200000), йирик масштабли (1:25000—1:50000), ўта йирик масштабли (1:25000 ва ундан йирик) турларга бўлинади. Обзор хариталар йирик геологик ва географик регионларнинг (ўлка, област, республика ёки Ер шари) гидрогеологик шароитларини вужудга келиши, ер ости сувлари тарқалишининг асосий қонуниятлари ва уларнинг айрим элементларини вақт давомида ўзгариши тўғрисида маълумот беради. Майда масштабли G.x.lar у ёки бу ҳудуднинг гидрогеологик шароитларини ифодалайди. Уларда асосий сувли мажмуаларнинг тарқалиши, ер ости сувларининг ҳосил бўлиши ва тавсифи ифодаланади. Ўрта масштабли G.x.larda айрим раёнларнинг гидрогеологик шароитлари ўз аксини топади. Харита ер ости сувларидан фойдаланиш ва кейинги тадқиқот ишларининг биринчи навбатда бажариладиган участкаларини танлаш имкониятини беради. Йирик масштабли Г.х. майдони нисбатан кичик раёнларнинг гидрогеологик шароитларини ифодалайди. Бундай хариталарнинг аниқлик даражаси юқори бўлганлиги учун улар асосида амалий гидрогеологик масалаларни ечиш, муфассал тадқиқотларни режалаштириш мумкин. Ўта йирик масштабли хариталар участкаларнинг гидрогеологик шароитларини ўзида тўлиқ акс эттириб шахта, карер, тўғон, сув олиш иншооти ва бошқа иншоотларни лойиҳалаш учун асос бўлади., Гидрогеологик харита