Германизмы

германизмлар. Немис тилидан ўтган сўз, ифода ёки иборалар. Рус тилидаги германизмлар асосан икки қатламни ташкил этади. Биринчи қатлам ХИИИ асрга тааллуқли бўлиб, у Германия билан ҳарбий тўқнашувлар ҳамда савдо алоқалари натижасида юзага келган. Иккинчи қатлам эса Пётр И даврига тўғри келади. Германизмлар асосан қуйидаги соҳаларга алоқадор сўзлардан иборат: техникага (мастер, клейстер, верстак), савдо-сотиққа (вексел, кассир, бухгалтер), ҳарбий соҳага (гауптвахта, офицер, фелдмаршал, штаб), маданият ва савдога (ландшафт, молберт, флейта), маиший ҳаётга (галстук, фартук, кухня, бифштекс) оид сўзлар ва ҳ. к. Германизмларнинг аксарияти рус тили орқали бошқа тилларга, жумладан, ўзбек тилига ҳам ўтди ва ҳозир улардан кўпи кундалик ҳаётимизда қўлланилмоқда. Масалан: галстук, фартук, штаб, офицер кабилар.