ГАЗОРАСПРЕДЕЛИТЕЛЬНАЯ СТАНЦИЯ

gaz bosimini undan foydalanish darajasigacha pasaytiradigan qurilma. G.t.s. magistral gazuzatgichning tarmoqlanadigan joyiga (aholi yashaydigan qishloq, shahar yoki obyekt yaqiniga, uning oxirgi tarmoq uchastkasiga) oʻrnatiladi. Shuningdek, kondan chiqarib olingan gazga ishlov beradigan (quritish, changsizlantirish va b.); konga yaqin aholi yashaydigan qishloqlarni gaz bilan taʼminlaydigan; magistral gazuzatgichlardan sanoat yoki qishloq xoʻjaligi obyektlariga, shuningdek, shahar atrofidagi gazuzatgichlarning halqali sistemasini taʼminlaydigan; gazuzatgichlarni tarmoqlangan joylarida joylashgan nazorat-taqsimlash punktlari hamda aholi yashaydigan kichikroq qishloqlarni, sovxoz va kolxozlarni gaz bilan taʼminlaydigan magistral gazuzatgichlarning tarmoqlangan joyiga oʻrnatilgan avtomatik G.t.s.lari bor. Bulardan tashqari, gaz rostlash punktlari ham bor. G.t.s.ning unumdorligi 500 ming m³/soatgacha., Gaz taqsimlaydigan stansiya