ГАЗОНЕФТЕПРОЯВЛЕНИЯ В СКВАЖИНЕ

qatlam bosimining miqdori quduqdagi gidrostatik bosimdan yuqori boʻlganda gaz va flyuidlar (suv, neft)ning quduqqa kirib kelishi. Quduqdagi yuvuvchi suyuqlikning zichligi meʼyordan kamayganda, gazsizlanganda, BQBni koʻtarishda suyuqlik jinslarga yutilganda, quduqdagi suyuqlik sathi pasayganda burgʻ qudugʻida oqim paydo boʻladi. Qatlam suyuqligining ozgina qismi burgʻilanayotgan togʻ jinsi zarralari bilan birgalikda quduqda paydo boʻladi; bunday jarayonning rivojlanishi, flyuidning hajmi va oqim tezligi burgʻilashning mexanik tezligiga proporsional boʻladi. Yuqori mexanik tezlik bilan burgʻilashda gazni quduqda namoyonlanishi xavfli hisoblanadi. Chunki, yuvuvchi suyuqlik harakati uzoq vaqt toʻxtab qolsa gazli obyektning yuqori qismidan quduqqa koʻp miqdorda gaz kirib keladi va natijada gazlangan yuvuvchi suyuqlik qatlamlari hosil boʻladi. Qatlamdagi suyuqlik oqimini quduqqa kirib kelishining boshlanishidan quyidagi belgilar xabar beradi: — yuvuvchi suyuqlik zichligining kamayishi; — quduqdan chiqayotgan suyuqlik oqim tezligining novda ortishi; — quduqni yuvish tugagandan soʻng quduq ogʻzidan suyuqlik oqimi chiqishining koʻpayishi; — preventor yopilgandan soʻng quduq ogʻzida ortiqcha bosimning ortishi; — quduqdan chiqayotgan suyuqlik oqimida gazning koʻpayishi., Quduqda gaz-neftni namoyonlanishi