gaz
газgaz I
ot 1. esk. Metrik sistema qabul qilinganga qadar ishlatilgan, 0,71 metrga teng uzunlik oʻlchovi birligi; arshin.
Nurioy, oyingizdan toʻrt gaz chit olib berasiz, albatta. — Oybek, Tanlangan asarlar
Berdiboy tepaning moʻljalga kelgan joyidan oʻn besh gaz chamasi joyni kesib tushirdi. — A. Qodiriy, Gʻirvonlik Mallavoy
2. Shu uzunlikdagi oʻlchov asbobi.
Bukma gaz.
Hindi qoʻlidagi gazni peshtaxtaga qoʻydi. — M. Ismoiliy, Fargʻona tong otguncha
Tursunboy ochilgan qoʻriqni avval qadam-baqadam, soʻng gaz bilan oʻlchab koʻrdi. — Oʻzbekiston qoʻriqlari
- Oʻz gazi bilan oʻlchamoq Biror ishga, hodisaga oʻzicha, oʻz nuqtai nazari bilan baho bermoq. Hamma narsani oʻz gazi bilan oʻlchaydigan Abdurahim, oʻzi yolgʻonchi boʻlgani uchun, hech kimning gapiga ishonmaydi. — Mushtum
gaz II
ot Yoqish, yoritish, isitish yoki dvigatellarni harakatga keltirish uchun ishlatiladigan gazsimon modda; olov.
Kolxozchilarning uylariga gaz kiradi. Juda yaxshi! — I. Rahim, Hayot buloqlari
U [Yodgor] oshxonaga kirib, choygumni gazga qoʻydi. — Oʻ. Hoshimov, Qalbingga quloq sol
gaz III
ot Yupqa shaffof ipak gazlama; harir.
Bir koʻylaklik gaz. Gaz roʻmol.
gaz IV
ot 1. ayn. Yulgʻun.
2. esk. Kamonning patsiz oʻqi.