ГАЗ, РАСТВОРЁННЫЙ В НЕФТИ

neftda, neftli, gaz-neftli va neft-gazli uyumlardagi neftda erigan holatda boʻlgan va bosim toʻyinish bosimidan kam boʻlganda ajralib chiqadigan tabiiy uglevodorod gazi. N.e.g.ning nisbiy zichligi $0,7-1,3\text{ g/sm}^3$ va undan koʻproq, tarkibi tipik metan gazidan to metansizgacha oʻzgaruvchan. $\text{C}_2-\text{C}_4$ va $\text{C}_{5+\text{yuqori}}$ ning miqdori koʻp, individual uglevodorodlar konsentratsiyasi oʻzgaruvchan, yaʼni molekulyar massasining oshishi bilan koʻpayishi yoki kamayishi yoki maʼlum qonuniyatga boʻyinsunmasligi mumkin. Gazning neftda eruvchanligiga asosan bosim, temperatura hamda gaz va neftning tarkibi taʼsir etadi. Bosim oshishi bilan gazni neftda erishi kuchayadi, temperatura oshishi gazning neftda erishiga salbiy taʼsir qiladi. Past molekulali komponentlar konsentratsiyasining ortishi gazning neftda eruvchanligini pasayishiga olib keladi. Neftni molekulyar massasi va zichligining oshishi ham undagi gazning eruvchanligini kamaytirib yuboradi. Tadqiqotlardan maʼlum boʻlishicha ogʻir gazlar yengil (quruq) gazlarga nisbatan neftda oson va koʻp eriydi. Yengilroq neftlar ogʻiriga nisbatan gazni oʻzida koʻp eritadi. Bosim pasayib temperatura oshganda neftdan gaz ajrala boshlaydi. Birinchi navbatda, eng qiyin eruvchan gaz ($\text{CH}_4$), bosim kamaya borganda esa ogʻir uglevodorod gazlari navbatma-navbat ($\text{C}_2\text{H}_6$, $\text{C}_3\text{H}_8$ va h.k) ajralib chiqadi. Muhandislik hisoblashlarda gazning neftda eruvchanligi maxsus nomogramma boʻyicha aniqlanadi., Neftda erigan gaz