ғарб

рвш. 1. Дунёнинг тўрт томонидан бири; шарққа қарама-қарши томон, қуёш ботадиган томон; кунботар.

Ғарбдан эсган шамол.

Офтоб ғарбга ёнбошлаганда, икки ёʻловчи даштдан чиқиб, тепаликка ёʻл олди. — А. Қаҳҳор, Мастон

2. Маълум бир обект, ҳудуд, майдон, бино ва шу кабиларнинг ғарб томони, ғарбий қисми.

Ўзбекистоннинг ғарби.

Отабек майдонда отини супуриб эгарлар экан, майдоннинг ғарбидаги хароба уйнинг деворидан бир бош кўтарилиб, унга қараб турар эди. — А. Қодирий, Ўтган кунлар

Жарнинг нариги томони бир тепадан иборат бўлиб, жануб биқини маълум Чақар суви билан, ғарби Бўз-сув ва Кўкча ариғи билан ўралган. — А. Қодирий, Ўтган кунлар

3. с. т. Ғарбий. Европа, Ғарбий Европа мамлакатлари.

Жаннанинг ўзи ғарбда тикилган, кўкрак чўнтаги устига лотин ҳарфидан белгилар қўйилган желатка топиб келиб, Умидга кийгизди. — Мирмуҳсин, Умид

Дунёнинг тўрт томонидан бири-шарққа қарама-қарши томон; қуёш ботадиган томон, кунботар.BATI

запад, западный

ғарб томонга на запад

н the West

1. batıs, kúnbatar, kúnbatıs

2. batıs tárep

3. Batıs Evropa, Batıs Evropa mámleketleri

Westen n

русчазапад, западныйинглизчаwest, westernфрансузчаouest, d'ouest, d'occidentарабчаغَرْبٌ