ГАММА-ГАММА КАРОТАЖ (ГГК)

Гамма-гамма каротаж (ГГК) — радиоактив каротаж тури. Ггкда бурғу қудуғидаги тоғ жинсларини гамма нурлар билан нурлантириб, улар атомларидан қайтган гамма-нурлар ўлчанади. Тоғ жинсларни нурлантириш учун радиоактивли сезий (гоҳида кобалт ёки сурма) қўлланилади. Геофизик аппаратнинг РКС—1, РГП—2 ва СГП—2 турлари кенг ишлатилади. ГГК нурлантирувчи гамма-нурларнинг энергиясига кўра бир неча турларга бўлинади. Агар тоғ жинсларини 0,5 дан 2,0 Мев энергияли гамма-нурлар билан нурлантирса, уларда Комптон сочилиш жараёнлари содир бўлади. Сунъий гамма сочилиш ёрдамида тоғ жинсларининг зичлиги аниқланади. Тоғ жинсларининг зичлиги уларнинг ғоваклилик коеффициенти билан узвий боғлиқдир, яъни: $К_{\техт{п}} = (\сигма_{\техт{ск}} - \сигма_{\техт{п}}) / (\сигма_{\техт{ск}} - \сигма_{\техт{ф}})$, бунда: $\сигма_{\техт{ск}}$, $\сигма_{\техт{п}}$, $\сигма_{\техт{ф}}$ — тоғ жинсининг минерал қисмининг скелети, қатламнинг ҳажмий ва флюидга тўйинган зичликлари. Тоғ жинсларини 0,1—0,3 Мев энергияли гамма-нурлар ёрдамида ўрганиш селектив Ггкнинг асоси ҳисобланади (қ. Каротаж селективний). Энергияси 0,1 Мев дан кичик гамма-нурлар билан тоғ жинслари нурлантирилса рентген нурлари сочилади. Ггкнинг бу тури рентген-радиометрик каротаж деб юритилади (қ. Каротаж рентгено-радиометрический).