ФАЙЛ

Fayl

elektron hisoblash mashinasining xotirasida saqlanadigan: 1) bir-biri bilan bogʻliq, yaxlit koʻrinishda olingan koʻrsatkichlar massivi (mas., seysmik trassalar natijasi, akustik karotaj boʻyicha aniqlangan oraliq vaqt, neytron karotaj usuli b-n qayd qilingan neytronlar zichligi, karotaj diagrammalaridan hisoblangan gʻovaklilik koeffitsiyenti, neft, gazga toʻyinganlik va boshqa parametrlar); 2) aniq vazifani yechishga moʻljallangan dastur. Bunga solishtirma elektr qarshilikni aniqlash, oʻtkazuvchanlik koeffitsiyentini hisoblash va boshqa dasturlar misol boʻladi. F.ga kirish uchun uning EHM xotirasida saqlanadigan nomi bilan murojaat qilinadi.