фахрий

faxriy

1 та луғатда: Изоҳли яна 7 та луғатда — ҳаммасини кўриш ЖСОН Шеваларда Барча қидирув натижалари

Изоҳли луғат

фахрий

сфт. 1. Алоҳида, катта ҳурматга сазовор бўлган; энг ҳурматли.

Фахрий аъзолар. Жамоанинг фахрий аъзоси. Шаҳримизнинг фахрий фуқароси.

2. Алоҳида хизматлари учун ҳурмат юзасидан бериладиган, тақдирланадиган.

Фахрий ёрлиқ. Фахрий унвон.

Ўғлим билан катта майдонда Эгалладим букун фахрий жой — Ҳ. Пўлат.

3. Ҳурмат юзасидан сайланадиган.

Ўзбекистон Республикаси Фанлар академиясининг фахрий аъзоси.

4. Ҳурмат, шон-шараф ва шуҳрат бахш этадиган, ғурурланишга арзийдиган.

Қисқа қилиб айтганимизда, ўзбек санъати ва адабиёти катта, лекин фахрий синовдан ўтди. — Т. Обидов, Юсуфжон қизиқ

5. Ижтимоий-сиёсий ҳаётнинг, касб-корнинг, Ватан мудофаасининг бирор соҳасида узоқ муддат фаолият кўрсатган шахс. Нуроний фахрийлар жамғармаси.

У барчанинг ҳурматига сазовор меҳнат фахрийсидир. — Газетадан

Фахрий қоровул 1. Бирор давлат арбоби ёки расмий кишилар ҳурмати учун қўйиладиган (саф қилинадиган) ҳарбий бўлинма. Ўзбекистон Республикаси Президенти Ислом Каримов шарафига фахрий қоровул саф тортди. — Газетадан