фаолият

от 1. Бирор соҳада олиб бориладиган иш, машғулот, ҳаракат. Ижодий фаолият. Сиёсий фаолият. Ижтимоий фаолият. Нутқий фаолият.

Шоир ўз ижодий фаолиятида янги дунё яратувчи кишилар тўғрисида куйлаб келди. — Н. Сафаров, Очерклар

Бернора Қориева ўз фаолияти давомида жуда кўп қувончли, ҳаяжонли кунларни бошидан кечирди. — Саодат

2. Шундай иш, ҳаракат жараёни. Юракнинг фаолияти.

Организмнинг нормал ҳаёт фаолияти учун оқсил, ёғ, углеводлардан ташқари витаминлар ҳам зарур. — Саодат

Кўк чой киши руҳини тетик қилиб, иш фаолиятини яхшилайди. — Фан ва турмуш