EUTELSAT

Yoʻldoshli tarmoqqa egalik qiluvchi Yevropa hukumatlararo tashkiloti. Qarorgohi Parijda joylashgan. U 1977 yilda tashkil qilingan va 1985 yilning oxirlaridan boshlab shiddat bilan rivojlana boshlagan. Uning vazifasi Yevropada maʼlumotlarni uzatish, yaratish va aloqa yoʻldoshlari asosida keng koʻlamda tarmoq xizmatlarini taqdim etishdan iborat. EUTELSAT “rang-barang xizmatli yoʻldosh tizimlar” klassga kiradi. U telefoniya, faksimil aloqa, maʼlumot uzatish, radioeshittirish, telekoʻrsatuvlar, videomatn, telekonferensiyalar va metereologiya vazifalarini hamda aerosuratlar olish, mobil tizim, dengizdagi neft “orollari” obyektlarini boshqarish va yangiliklar yigʻishni oʻz ichiga oladi.