эътибор
eʼtiborэътибор
от 1. Бирор кимса ёки нарсага қаратилган диққат-назар, фикр, ёд.
Эътиборини жалб қилмоқ. Эътибор билан разм солмоқ.
Отабек диққат ва эътибор билан қутидорни кузатиб, жавоб берди. — А. Қодирий, Ўтган кунлар
Бир уй меҳмоннинг эътибори жажжигина — Азизжонда, Газетадан
2. Ўзга томонидан бўлган ҳурмат ҳисси; қозонилган ҳурмат; обрў, нуфуз.
Эътибори кетди. Эътибори ёʻқолди.
Низомиддиннинг кўз олдида бу нотаниш одамнинг эътибори янада ошди. Мирмуҳсин, — Меъмор
Гарчанд баъзи жойда топдим эътибор, Кўксимда нелардир таратур зиё. — А. Орипов
3. Эътибор (хотин-қизлар исми).
- Эътибор бермоқ Диққат-эътиборни қаратмоқ, эътиборини ёʻналтирмоқ. Бойваччанинг орқасида от қўйиб келаётган одамга эътибор беринг. — К. Яшин, Ҳамза
- Эътибор қилмоқ Мастон унга эътибор қилмай, отнинг очиқ қолган кўзларига қаради. — А. Қаҳҳор, Мастон
- Эътиборга олмоқ Ҳисобга олмоқ, назарда тутмоқ. Сен айтган икки нарса илмга маълум эканлигини эътиборга олсак, сен ўтказадиган тажрибанинг асосий вазифаси мана шу саволга жавоб бериш. — А. Қаҳҳор, Қўшчинор чироқлари
- Эътибор қозонмоқ (ёки топмоқ) Обрў-ҳурматга эга бўлмоқ, яхши ном чиқармоқ. [Ҳожи] Нормуҳаммад қушбеги олдида ундан ҳам юқорироқ ва маънолироқ эътибор қозонди. — А. Қодирий, Ўтган кунларТошкент чаманзор — Бутун халқ олдида топди эътибор. — Х. Расул.
- Эътиборга тушмоқ Кишилар эътиборини тортиб, ўзига жалб қилмоқ. Кейинчалик устод Қавом эътиборига тушиб, унинг тавсияси билан Мирзодан иш олган эди. — Мирмуҳсин, Меъмор
- Эътибордан қолмоқ Кўпчиликнинг диққат-эътиборини ёʻқотмоқ. Агар юлғичликни ташламасангиз, халқ эътиборидан қолиб, шарманда бўласиз. — Муштум
- Эътибори билан Жиҳат(и)дан, кўра. Бадиий таржима моҳият эътибори билан халқлар ўртасида олтин кўприкдир. — Х. Ёдгоров, Ҳаёт тўлқинлари