ЭЛЕКТРОДЕГИДРАТОРЫ

нефт эмулсиясини электр майдони таъсирида ажратишда қўлланиладиган аппарат. Бу аппаратнинг бошқа сув ажратгичларга қараганда ички қурилмалари мураккаб тузилган. Уларнинг ишлаши учун юқори кучланишли электр ускуналари — трансформаторлар, реакторлар, ўтиш изоляторлари ва б. керак. E.ni нефтни кон ва заводда тайёрлашда қўлланилса, юқори техник-иқтисодий кўрсаткичларга эришилади. Уларни сувсизлантириш, туздан тозалаш чоғида қўллаш самарали. Нефтнинг қолдиқ сувлари (0,1%) ва тузларини (40 мг/л гача) энг кам миқдорда ҳосил қилиш зарур бўлганда, ягона усул ҳисобланган электр майдонидан фойдаланилади. Электр усули билан сувсизлантириш ва туздан тозалаш фақат сув-нефт эмулсияларига қўлланилади. «Сувдаги нефт» эмулсияларига электр билан ишлов бериб бўлмайди, чунки электродларнинг эмулсия орқали қисқа туташув хавфи бор. Электр майдонининг таъсир этиши сув томчиларининг аввал тартиблашган ҳаракати тўқнашувига олиб келади. Икки томчининг ўзаро таъсир кучи қуйидаги формула билан боғланган: $Ф = \фрак{ке^2р^6}{э^2}$, бунда к — пропорсионаллик коеффициенти; Э — майдоннинг кучланиши; р — томчи радиуси; э — томчилар марказлари орасидаги масофа. Формуладан маълум бўлишича, томчининг ўлчами ва улар орасидаги масофанинг нисбатини маълум бир қийматида тортишиш кучи катта қийматга эга бўлади, натижада сув глобуласининг сиртидаги қобиқ сиқилиб парчаланади ва сув томчиларининг коалессенсияси таркиб топади. Шунингдек, занжирларда туташиш содир бўлади ва электр индуксияси натижасида томчилар орасида улар сиртини тешиш, парчалашга олиб келадиган электр майдони ҳосил бўлади. Томчилар орасида канал ҳосил бўлиб, унга дисперс фаза интилади ва икки том-, Электродегидраторлар