ЭЛЕКТРОДЕГИДРАТОРЫ

neft emulsiyasini elektr maydoni taʼsirida ajratishda qoʻllaniladigan apparat. Bu apparatning boshqa suv ajratgichlarga qaraganda ichki qurilmalari murakkab tuzilgan. Ularning ishlashi uchun yuqori kuchlanishli elektr uskunalari — transformatorlar, reaktorlar, oʻtish izolyatorlari va b. kerak. E.ni neftni kon va zavodda tayyorlashda qoʻllanilsa, yuqori texnik-iqtisodiy koʻrsatkichlarga erishiladi. Ularni suvsizlantirish, tuzdan tozalash chogʻida qoʻllash samarali. Neftning qoldiq suvlari (0,1%) va tuzlarini (40 mg/l gacha) eng kam miqdorda hosil qilish zarur boʻlganda, yagona usul hisoblangan elektr maydonidan foydalaniladi. Elektr usuli bilan suvsizlantirish va tuzdan tozalash faqat suv-neft emulsiyalariga qoʻllaniladi. «Suvdagi neft» emulsiyalariga elektr bilan ishlov berib boʻlmaydi, chunki elektrodlarning emulsiya orqali qisqa tutashuv xavfi bor. Elektr maydonining taʼsir etishi suv tomchilarining avval tartiblashgan harakati toʻqnashuviga olib keladi. Ikki tomchining oʻzaro taʼsir kuchi quyidagi formula bilan bogʻlangan: $F = \frac{kE^2r^6}{e^2}$, bunda k — proporsionallik koeffitsiyenti; E — maydonning kuchlanishi; r — tomchi radiusi; e — tomchilar markazlari orasidagi masofa. Formuladan maʼlum boʻlishicha, tomchining oʻlchami va ular orasidagi masofaning nisbatini maʼlum bir qiymatida tortishish kuchi katta qiymatga ega boʻladi, natijada suv globulasining sirtidagi qobiq siqilib parchalanadi va suv tomchilarining koalessensiyasi tarkib topadi. Shuningdek, zanjirlarda tutashish sodir boʻladi va elektr induksiyasi natijasida tomchilar orasida ular sirtini teshish, parchalashga olib keladigan elektr maydoni hosil boʻladi. Tomchilar orasida kanal hosil boʻlib, unga dispers faza intiladi va ikki tom-, Elektrodegidratorlar