эҳтимол

ehtimol

1 та луғатда: Изоҳли яна 6 та луғатда — ҳаммасини кўриш ЖСОН Шеваларда Барча қидирув натижалари

Изоҳли луғат

эҳтимол

от 1. Рўёбга чиқиш, амалга ошиш, юз бериш имконияти; мумкинлик.

Қани энди, ҳаётдаги саноқсиз эҳтимолларнинг барчасига жавоб топиш мумкин бўлса. С. Кароматов, Олтин қум. — Уни энг қаттиқ қўрқитган нарса

бу суратнинг босқинчилар қўлига тушиб қолиши эҳтимоли эди. — П. Қодиров, Юлдузли тунлар

2. мод. с. Балки,..са керак, бўлиши мумкин.

Унинг келиши эҳтимол.

Шербек ўшанда ҳол сўраб, эҳтимол, хато қилгандир. — С. Анорбоев, Оқсой

Эҳтимол, хон табибни истаган пайтда топиш осон бўлсин, деб шундай қилгандир. — С. Сиёев, Ёруғлик

Ҳар эҳтимолга қарши Эҳтимол юзасидан. Бели синган сарбоз ҳар эҳтимолга қарши, ерда ётган ўткир қилични олди. — Мирмуҳсин, Меъмор