egachi

ot 1. Bir ota-onadan tugʻilgan qizlardan kattasi (kichigiga nisbatan; tarixan va baʼzi shevalarda oʻgʻil ukaga nisbatan ham qoʻllanadi).

Zaynab egachisi Xushruydan yetti yosh chamasi kichik edi. — A. Qodiriy, Oʻtgan kunlar

Bobur Samarqandga ketishda oʻz onasi va egachisiga Oʻshdagi hujradan xabar olursizlar, deb tayinlab ketgan edi. — P. Qodirov, Yulduzli tunlar

2. Ayol kishining oʻzidan katta yoshdagi (shuningdek, hurmat yuzasidan kichik yoshdagi) ayolga murojaat shakli.

— Turib-turib, mana shu norasidalarning baxtiga sizga oʻxshash xudo yarlaqagan egachim borligidan quvonib ketaman, — dedi Zohida Mehrinisoga. — R. Fayziy, Hazrati inson

Halima uni tugʻishgan egachisiday issiq qabul qildi. — J. Abdullaxonov, Gulchehra