doʻq

дўқ

1 ta lugʻatda: Izohli yana 6 ta lugʻatda — hammasini koʻrish JSON Shevalarda Barcha qidiruv natijalari

Izohli lugʻat

doʻq I

ot Qoʻrqitish, choʻchitish, tartibga chaqirish uchun aytilgan gap, qilingan harakat; poʻpisa, siyosat.

Doʻq urmoq (qilmoq). Oʻgʻri doʻqi bilan qoʻrqitar, Yomon ayol — yigʻisi bilan. — Maqol

Doʻq urmoq (yoki qilmoq) Qoʻrqitmoq, doʻq-poʻpisa qilmoq, doʻqlamoq. Keyin ovozini pardama-parda koʻtarib, doʻq ura ketdi. — M. Ismoiliy, Fargʻona tong otguncha.— Qochishning yoʻlini moʻljallab qoʻydingmi, rostingni ayt! — dedi Juman doʻq qilib. — A. Muxtor, Tugʻilish.— Haddingizdan oshmang, — deb doʻq urdi Yaxshiboyev. — M. M. Doʻst, Lolazor.

doʻq II

ot Jarangsiz narsalarning urilishidan hosil boʻlgan ovoz.

Doʻq etgan ovoz eshitildi. Choynakni doʻq etib yerga qoʻydi.

Shokir ota oʻtirgan joyida hassasini yerga doʻq etib urdi. — Oybek, Tanlangan asarlar.