дон
donдон И
от 1. Бошоқли ва дуккакли ўсимликлар маҳсулининг бир донаси.
Буғдой дони. Маккажўхори дони. Деҳқон ишлаб дон сочар, Эл-юртига нон сочар. — Мақол
Арпанинг дони бўлгунча, Буғдойнинг сомони бўл. — Мақол
— Бир қумурсқа бир дона донни торца, иккинчи қумурсқа орқадан итариб, унга ёрдам беради-да, — деди бир деҳқон. — С. Айний, Қуллар
2. Шундай маҳсул мажмуи, йиғиндиси; ғалла.
Бирида улов бўлса, экиш учун дони ёʻқ, дони борида улов, ер ёʻқ. — Н. Сафаров, Оловли излар
Энди меҳнат кунига ҳам оз-моз дон тегса керак. — О. Ёқубов, Эр бошига иш тушса
Бошида отаси, уйида қопда дони бўлса, булар шу ерда ўтирармиди. — Т. Ашуров, Оқ, от
3. Паррандаларга бериладиган шундай овқат, озуқа; (сочиладиган) дон-дун.
Бир товуққа ҳам сув керак, ҳам дон. — Қанотли сўзлар
Болали она нонга тўймас, Болали ғоз — донга. — Мақол
Эй, дўстим, ҳозир-чи, тухум қилмайдиган товуққа ҳеч ким дон бермайди. — Шукрулло, Сайланма
Онаси тўр ортидаги товуқларга дон сочарди. — Ў. Ҳошимов, Қалбингга қулоқ сол.
- Дон олишмоқ Бирор кимса билан яқинлик қилмоқ, интим муносабатда бўлмоқ; ўйнаш бўлмоқ. Ойим тирикликларида ҳам дадам Зумрад кампир билан дон олишиб юрардилар. — С. Аҳмад, Юлдузлар— Бир-бири билан дон олишиб қолган бўлса сиз билан биз қуда бўлишдан бошқа иложимиз ёʻқ, — деди Салим бобо. С. Аҳмад, Чўл оқшомлари.
- На дон, на сомон Ҳеч нарсага ярамайдиган нарса ёки кимса ҳақида. Ўзи, баъзи рецензиялар бўлади, ўқисанг — на дон, на сомон. — С. Абдуқаҳҳор, Санамай саккиз дема
дон ИИ
от Испанияда ва испан тилида сўзлашувчи бошқа мамлакатларда: эркак исми олдидан қўйиб, унга ҳурмат билан мурожаат қилишда қўлланадиган сўз; Италияда: руҳонийлар ва дворянларнинг фахрий унвони.