ДОЛОТА ЛОПАСТНЫЕ

конструкцияси ва тайёрлаш технологияси жуда оддий долоталар. Такомиллаштирилган шарошкали долоталар пайдо бўлгунга қадар П.д. жуда кенг миқёсда ишлатилган. Ҳозир кам ишлатилади. П.д.нинг юмшоқ, цементланмаган, бўшроқ жинслардаги механик тезлиги жуда юқори, бир рейсда бир неча юз метр, гоҳо 1500—2000 м гача ортади. Аммо бундай юқори тезликда бурғилашда кўпинча қудуқ диаметри торайиб коваклар кўп ҳосил бўлади. Натижада навбатдаги П.д.ни туширишда қудуқ диаметрини кенгайтириш ва ишлов бериш зарур бўлади. Бундан ташқари, П.д. билан бурғилашда долото тез айланиши лозим. П.д.нинг яна бир камчилиги долоталарнинг қирқадиган элементлари бурғиланаётган жинслар билан доимо туташ ҳолатда бўлиши, уларнинг шарошкали долоталарга нисбатан тез емирилишига сабаб бўлади. Шунингдек, П.д. ўртача қаттиқ ва қаттиқ абразив жинсларни бурғилашда шарошкали долоталарга нисбатан кам самара беради. Қаттиқ ва жуда қаттиқ жинсларни бурғилашда эса П.д. бутунлай ишлатилмайди. Қайд этилганлардан ташқари, П.д. билан бурғилашда марказлаштиргич, стабилизатор ва калибратор ишлатилмаса қудуқ танаси қийшайиб кетиши мумкин. П.д. бутунлай қуйма ёки қобиғига парраклар пайвандланиб тайёрланади. П.д. ҳозир шарошкалиларга нисбатан жуда кам ишлатилади. Parrakli dolotalar