dim

дим

6 ta lugʻatda uchraydi JSON Shevalarda Barcha qidiruv natijalari

Izohli lugʻat

dim I

sft. 1. Shamolsiz, shabadasiz va nafasni qaytaradigan darajada issiq.

Havo shu qadar issiq, dim ediki, ertalab oʻrilgan pichan kechgacha shaqirlab qurib qoldi. — S. Anorboyev, Oqsoy

Jazirama issiqdan hammayoq dim boʻlib ketgan. — N. Safarov, Olovli izlar

2. Havosi yetishmaydigan, havosi buzilgan; ogʻir, boʻgʻiq.

Oʻtov dim boʻlgani uchun Yusufjon ancha vaqtgacha uxlay olmaydi. — T. Obidov, Yusufjon qiziq

Hammomdagiday gup etib, yuzimga dim havo urildi. — H. Nazir, Yonar daryo

Dim xonada qasqonga tushgandek aʼzoyi badanimdan ter quyiladi. — Guldasta

3. Ichi havo bilan toʻlib qolgan, ichiga havo yigʻilgan.

Oshnam, toshdek ogʻir, puflangan meshdek dimsan. Bir kun paqqa yorilib, oʻligingga ega boʻlmasalar, shu. — A. Qodiriy, Obid ketmon

dim II

sft. 1. ayn . jim.

Pismiq dim oʻtirar. — Maqol

Mullaroʻzi Mulladoʻstga: Dim! Ogʻzingizni parishon qilmay, sabr qilib tursangiz, shu hafta ichida boʻladi-qoladi. — Hamza, Maysaraning ishi

Shuncha shovqin bartaraf boʻlib, dim boʻldi. — Usmon baxshi Mamat oʻgʻli, Boʻtakoʻz

2. Ovoz chiqarmay, gapirmay jim oʻtirish oʻyini.

Dim oʻynamoq.

[Ummatali] Ishga shoʻngʻib, hamma bilan dim oʻynaydi. — Shuhrat, Jannat qidirganlar

dim III

sft. 1. shv. Sira, aslo.

Ichkari kir, yota bergin joyingga, Dim ularga qaray koʻrma, chirogʻim. — Ravshan

Podshosin ushlab olinglar, Bejoy xoʻrliklar koʻrsatib, Dim indamasday qilinglar. — Gulnorpari

2. shv. ayn. Juda, juda ham.

— Avaz ogʻa, sizga dim jabr boʻldi, — dedi [Sheroziy]. — J. Sharipov, Xorazm

Azizim, Sizni dim sogʻindim tushlarimda koʻrib chiqaman. — J. Sharipov, Xorazm

3. shv. Hech ham, hech bir, tamoman, umuman.

Molining dim soni yoʻq qirq yigit aslo sarishta qilolmaydi. — E. Jumanbulbul oʻgʻli, Bulbul taronalari

— Men sendan juda qoʻrqardim, Oydonajon, senda or-nomus, uyat, sharm-hayo degan soʻz dim yoʻq ekan, — dedi Sedana. — Xushkeldi

Oʻzbekcha-turkcha izohli lugʻat

DIM

1. Shamolsiz va nafasni qaytaradigan darajada issiq.HAVASIZ

2. Havosi yetishmaydigan yoki ogʻir, nafasni boʻgʻadigan.BOĞUCU

Ruscha-oʻzbekcha va oʻzbekcha-ruscha lugʻat

dim

душный, спёртый, душно

Inglizcha-oʻzbekcha, oʻzbekcha-inglizcha lugʻat

dim I

a stuffy

dim II

1. a silent, speechless, mute

dim 1. boʻlmoq keep silence
dim 1. boʻlib qolmoq become (fall) silent, stop talking

2. adv

dim 1.! gently!, careful!

Oʻzbekcha-qoraqalpoqcha lugʻat

DIM

dım, qapırıq, hawa jetispeytuǵın, hawası buzılǵan

Oʻzbekcha-nemischa lugʻat

dim

schwül, drückend, stickig

dim havo drückende (schwüle) Witterung

Maqoladagi xato haqida xabar berish