ДИЭТИЛЕНГЛИКОЛЬ (ДЭГ)

Dietilenglikol (DEG) — tabiiy va yoʻlakay gazlarni quritadigan absorbent va gidrat ingibitori. DEG glikol asosli ingibitorlardan (asosan, etilenglikol — EG, DEG va trietilenglikol — TEG) biri, rangsiz (texnik navlari och sariq). DEGning kimyoviy formulasi $O \langle \begin{array}{l} \text{CH}_2\text{CH}_2\text{OH} \\ \text{CH}_2\text{CH}_2\text{OH} \end{array}$ yoki $(\text{CH}_2\text{OHCH}_2)_2\text{O}$ Molekulyar massasi 106,12, nisbiy (suv boʻyicha) zichligi 1,117, r=0,1013 MPa bosimda qaynash temperaturasi 518 K. DEG ikki atomli spirtlar efiri hisoblanadi, shuning uchun ularda spirt va efirlarning kimyoviy xususiyatlari mujassamlangan. Suv bilan ixtiyoriy aralashadi, etilenglikolga nisbatan gigroskopikroq. DEGning TEGdan ustuvorligi uning gazda uglevodorod kondensati boʻlganda koʻpik hosil qilishga kam moyilligidir. Oʻzbekiston gaz sanoatida gazni tayyorlash, qayta ishlash va uzatishda DEG keng qoʻllaniladi.