ДЕГАЗАЦИЯ БУРОВОГО РАСТВОРА

gazli qatlamlarni burgʻilashda eritmaga mayda pufakchalar koʻrinishida qoʻshilayotgan gazlarni ajratish. Burgʻilash eritmasining qovushqoqligi kichik va sulfonatriy tuzlari (SNT) miqdori kam boʻlsa, tozalash sistemasida undan gaz pufakchalari yengil ajraladi. Lekin bunda eritma yuzasida koʻpik hosil boʻlib, u burgʻilash nasosiga kirib uni ishdan chiqaradi. Qovushqoqligi yuqori eritmalar gazlanganda uning bu xususiyati yanada oshadi va uning yuzasidan gaz ajralib chiqmaydi, natijada uning zichligi kamayadi va qatlamga beradigan bosimi pasayadi, natijada gaz namoyonlanib yuqoriga koʻtarilishi va favvora boʻlishi mumkin. Ayrim reagentlardan (KSSB, SSB va b.) foydalanilganda eritmada barqaror koʻpik hosil boʻladi, bu reagentlar eritmaga qoʻshilayotgan havoning parchalanishi va havo pufakchalarining turgʻunligini taʼminlaydi. Eritmaning gazlanishi va koʻpik hosil boʻlishi burgʻilashda murakkabliklar keltirib chiqaradi. Bunday hollarda eritma gazsizlantiriladi. Gazsizlantirish ikki usulda: majburiy (mexanik) gazsizlantirish va u bilan birga kimyoviy (koʻpikni yoʻqotuvchi qoʻshimcha qoʻllab) gazsizlantirish amalga oshiriladi. Mexanik gazsizlantirish samarali boʻlib, DVS—1 va DVS—2 gazsizlantirgichlardan foydalaniladi. Barqaror koʻpikli, yuqori qovushqoqlik va SNTga ega boʻlgan eritmalar yuqori vakkuumda (600mm simob ustunida) saqlanadi. Bunday eritmalar suyuqlik kiritiladigan boshqarish sistemasi yordamida gazsizlantiriladi. Nisbatan qovushqoq boʻlmagan, koʻpigi beqaror boʻlgan eritmalar vakkuumda 300—400 mm simob ustunida saqlab gazsizlantiriladi. Gazsizlantirgichning maksimal unumdorligi 60 l/s ga yaqin., Burgʻilash eritmasini gazsizlantirish