Дарвинизм

Дарвинизм — Ч. Дарвин таълимотига асосланган, органик дунё ривожланишининг умумий қонуниятлари ҳақидаги назария. Шунга кўра, эволюция асосан ўзгарувчанлик, ирсият ва табиий танланишнинг ўзаро таъсири натижасида амалга ошади. Янги белги ва хусусиятлар асосан ўзгарувчанлик туфайли вужудга келади. Ирсият уни мустаҳкамлайди, табиий танланишда эса шароитга мослаша олмаган организмлар нобуд бўлади ва ниҳоят янги турлар шаклланади.